https://www.instagram.com/reel/DFgCH7tsRm8/?igsh=bTBjaXMxc3BodW1k

Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек. Бір сөзбен айтқанда, біздің қоғамда еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады.

2005–2009 жылы Жаңаөзен политехникалық колледжінің алғашқы түлегі Жалғасов Талғат Ходжахметович Мұнайгаз кенорындарын пайдалану «Технолог» мамандығы бойынша білім алған. Жалғасов Талғат 2009 жылы өзінің мамандығын үздік бітіріп, 2010 жылдан бастап №1 Мұнайгаз өндіру басқармасында жерасты жөндеу цехында “Технолог” мамандығы бойынша өзінің еңбек жолын атқарып келеді.

Колледжіміздің түлегі Мемлекет басшысы Қасым-Жомарт Тоқаев Кемелұлы 2025 жылды «Жұмысшы мамандықтар» жылы деп жариялағандығын қолдайтынын және өзінің кәсібімен мақтан ететіндігін білдірді. 

https://www.instagram.com/reel/DEpH0WOspg9/?igsh=dHdoZWFxMXg4ZnFt 

08.01.2025 жыл Тәуелсіздік күні мерекесіне орай Мемлекет басшысы Қасым-Жомарт Кемелұлы Тоқаевтың “Тәуелсіздік бәрінен қымбат” атты бағдарламалық мақаласын қоғамға кеңінен насихаттау мақсатында Тәуелсіздік жылдары еліміздің әлеуметтік-экономикалық дамуына үлес қосып жүрген азаматтардың арасында өткізілген “Қазақстан республикасының құрметті қайраткері” атты республикалық байқауына қатысып І дәрежелі дипломмен жеңімпаз атанған аяулы ұстаздарымыз Болатбаева Гүлзада Аманқосқызы, Балхаева Гаухар Науанқызы, Өтеш Нұрзада Мухитдинқызына арнайы дипломдарымен,төс белгілері және осы байқауға қолдау білдірген Жаңаөзен политехникалық колледж директоры Болатбаева Тілектес Аманқосқызына алғыс хат табысталды.  

https://www.instagram.com/p/DEj9jC_s260/?igsh=MXhxazkzejdlNTJmbg== 

Бүгін 06.01.25ж арнайы пән оқытушысы Балқұйған Жұмабекқызының «Тігін өндірісі және киімдерді үлгілеу» мамандығында оқитын 4-курс студенттеріне 144 сағаттық тәжірибе қорытындысы болды. Қазақша этно стильдегі костюмдер тіккен студенттеріміздің шығармашылық жұмыстарын қорытындылап, бұл кезеңде әрбір студент өзінің шеберлігі мен өнерін шыңдай отырып, ұлттық нақыштағы костюмдер тіккен болатын.

Шығармашылықтың шыңы

Этно стильдегі костюмдер — бұл тек киім емес, ол біздің тарихымызды, мәдениетімізді, салт-дәстүрлерімізді бейнелейтін ерекше туындылар. Студенттеріміз әрбір детальға ерекше мән беріп, қазақтың дәстүрлі ою-өрнектерін, қолөнер элементтерін заманауи стильде үйлестіре отырып, ұлттық киімдердің жаңа бейнесін жасады.

Тігін шеберлігі мен шығармашылықтың үйлесімі

Тәжірибе барысында әрбір студент өз идеяларын, эмоцияларын, көзқарастарын киім арқылы жеткізе білді. Костюмдерде қолданылған табиғи материалдар, ою-өрнектер мен кестелер қазақ халқының бай мәдениетін және өнерін паш етті. Әрбір тігіс, әрбір әшекей — бұл студенттердің еңбекқорлығын, талғамын және кәсіби шеберлігін көрсететін бірегей белгі. 

https://www.instagram.com/reel/DEe7oWIM3sO/?igsh=bGt4N3BvdGNqYzc3 

"Зорлық зомбылыққа қарсы 16 күн" іс шаралар аясында Зорлық зомбылық пен құқық бұзушылықтың алдын алу мақсатында колледж инспекторы Рахманбердиев Саламат Қүралбекұлы және де колледж психологы Несипбаева Жанар Абайқызымен студенттер арасында кездесу өткізілді. Кездесу барысында құқық бұзушылықтың түрлерін және де оның зардабын нақтылап жеткізді.

Құқық бұзушылық қоғам өміріне тән дерт. Адам баласы өмір сүрген ортада ол да әрқашан орын алады. Бұл шартты құбылыс. Құқық бұзушылық заңды, оның қағидаларын құқықтық нормалар жүктеген міндеттерді бұзу, тыйым салынған әрекеттерді жасау. Ол адамдардың іс-әрекеті, қылығы, мінезі немесе әрекетсіздігімен сипатталады. Адам өзінің іс-әрекеті, қылығы арқылы басқа адамдармен, қоғаммен, мемлекетпен қарым-қатынасқа түседі. 

https://www.instagram.com/reel/DDJ2OB5sbjj/?igsh=MW1tdW12Z2lmaGU2ZA== 

29.11.2024 күні Дәнекеров Саламат Көмекұлы тарапынан «Мамандығымның сырлары» атты ерекше семинар өтті!

Семинар барысында қатысушылар өз мамандықтарының терең қыр-сырын түсініп, кәсіби өсуге жаңа көзқарас қалыптастырды.

Жас маман Дәнекеров Саламат Көмекұлы тәжірибесімен бөлісіп, мамандыққа деген сүйіспеншіліктің, еңбекқорлық пен шеберліктің маңызын айшықтады.

Әрбір мамандық – өнер. Ал оны сүйе білген адам нағыз шебер! Семинар қатысушыларға үлкен шабыт сыйлады.

Ұйымдастырған: Дәнекеров С.К.

https://www.instagram.com/reel/DC8loaEsOK0/?igsh=bGFnOWtwb3BqZW52   

20.11.2024 күні Жаңаөзен политехникалық колледжінде ұстаздардың кәсіби шеберлігін дамыту мақсатында «Электронды портфолио: білім және кәсіби құралдары мен мүмкіндіктері» атты байқау ұйымдастырылды!

Байқау аясында оқытушылар өздерінің электронды портфолиоларын ұсынды, бұл тек кәсіби жетістіктерді көрсету ғана емес, сонымен қатар, заманауи цифрлық құралдарды қолданудағы шеберлікті дәлелдеуге мүмкіндік берді.

Негізгі бағыттар:

Портфолионы креативті безендіру;

Оқыту материалдарының цифрлық форматта ұсынылуы;

Заманауи технологияларды пайдалану деңгейі.

Бұл байқау ұстаздардың ІТ-дағдыларын арттырып, білім беру үдерісінде жаңа әдістерді қолдануға ынталандырды. Жеңімпаздар ерекше идеялары мен кәсібилігі үшін марапатталды.  

https://www.instagram.com/reel/DCmtff2M1tI/?igsh=bzNtYW80OGlzOGto 

19.11.2024 күні Жаңаөзен политехникалық колледжінде «Сабақ тиімділігін қамтамасыз ететін әдістер мен оқу тәсілдері» атты апталығы аясында өткен «Қосиінді бұлғақты механизм» тақырыбындағы панорамалық сабақ ерекше қызығушылықпен өтті! Бұл тақырып техника мен инженерияның негізгі элементтерінің бірі.

Студенттеріміз білімдерін тереңдетіп, механизмнің жұмыс принциптерін тәжірибеде көрді. Заманауи білім беру әдістері мен практикалық жұмыстар сабақтың әсерлі әрі мазмұнды болуына ықпал етті.

Кәсіби дағдыларды жетілдіруге арналған тағы бір қадам!

Ұйымдастырушысы: Бертлеуова Ш.Т.  

https://www.instagram.com/reel/DCmE0jYIi2M/?igsh=MW1xcDV1OTFuM3poNQ== 

15.11.2024 күні Жаңаөзен политехникалық колледжінде «Ұлағатты тәлім ұстаздықтың үлгісі» атты тәлімгер апталығында Болысова Тұмар Болысқызының ұйымдастыруымен «Электр заряды және Кулон заңы» тақырыбында ерекше сабақ өтті. + Студенттер электр құпиясына бойлап, зарядтардың оң және теріс әлемін зерттеді, үйкеліс пен тартылыс заңдарын терең түсінді. Әрбір тәжірибе – ғылымның ғажайыбына бір қадам жақындатып, физиканың сырлы заңдылықтарын ашуға ынталандырды. Бұл сабақ білімге деген шынайы қызығушылық пен ұмтылысты оятты!

Ұйымдастырушы: Болысова Тұмар Болысқызы  

https://www.instagram.com/reel/DCZUc0Os9In/?igsh=aGJvYWtiZWRlcjd4 

Жаңаөзен политехникалық колледжінде тәлімгер апталығы аясында ұлттық құндылықтарды дәріптеу мақсатында “Тоғызқұмалақ” ойыны бойынша ашық сабақ өтті. Студенттер қазақтың дәстүрлі ойын өнерінің қыр-сырын меңгеріп, логикалық ойлау қабілеттерін шыңдауға мүмкіндік алды. Шара барысында қатысушылар зейін мен табандылық танытып, шеберліктерін көрсетті.

Ұйымдастырушы: Адильбаев М.К. 

https://www.instagram.com/reel/DCY_eDsskMb/?igsh=Z24wcTR0a2h3eXNl