«Жұмысшы кәсібі – ел дамуының тірегі» атты республикалық ғылыми-тәжірибелік конференциясы

24 сәуір 2025 жылы онлайн форматта  Маңғыстау облысы білім басқармасының «Каспий дарыны» дарынды балалар мен талантты жастарды анықтау және қолдау орталығының 2025 жылға арналған іс-қимыл жоспарына сәйкес, Жаңаөзен политехникалық колледжінің ұйымдастыруымен техникалық және кәсіптік, орта білімнен кейінгі білім беру ұйымдарының студенттеріне арналған «Жұмысшы кәсібі – ел дамуының тірегі» атты республикалық ғылыми-тәжірибелік конференция өтті.

Конференция Жұмысшы мамандықтар жылына орай өткізіліп, мақсаты – студенттерге жұмысшы мамандықтарының маңызын насихаттау, олардың ел экономикасы мен дамуына қосатын үлесін ғылыми тұрғыдан зерделеу және еңбекке деген қызығушылықты арттыру.

Іс-шара жоғары деңгейде ұйымдастырылды. Конференция барысында Білім берудің оқу-әдістемелік орталығы басшысының орынбасары Утебаев Талғат Төремұратұлы құттықтау сөз сөйледі.

Конференцияға Қазақстанның барлық облыстары мен аймақтарынан қатысушылар тартылып, жалпы 134 адам қамтылды. Қорытындысында үздік жұмыстар жүлделі орындармен марапатталды.

https://www.instagram.com/reel/DI1cvk1ScWv/?igsh=MXJ3Mzc5cDhra3NsZw==