10130300 "Тамақтандыруды ұйымдастыру" мамандығы

Тамақтандыруды ұйымдастыру мамандығы аспаздық және тамақ өндірісі мен сервистік қызметпен байланысты біліктілікті қамтиды. Әлемдегі әр адам әрқашан дәмді тағам жегенді жақсы көреді, сондықтан аспазшылар мен рестораторлар келесі жүз жылдықта да керек болады. 

Бүгінгі таңда тамақ дайындау адамның күнделікті тіршілік іс-әркетін сақтаудың ажырамас процесі болып табылады. Халықтың мәдениет деңгейі мен әл-ауқаттының артуына байланысты осы мамандықтың сұранысқа ие болуына ықпал ететін ұлттық тағамдарға мамандандырылған пиццериялардың, фаст-фудтар мен мейрамханалардың түрлі түрлері ашыла бастады.

Осылайша, бұл бағыттағы жұмыс тамақ дайындай білетін, шыдамды, көркемдік талғамы мен қиялы бар, сонымен қатар нұсқаулықтарды нақты қолдана алатын, есте сақтау қабілеті мен зейіні жақсы дамыған адамдарға арналған.

«Тамақтандыруды ұйымдастыру» мамандығы бірнеше бағыт бойынша аспаздық және қызмет көрсету саласында кәсіби мамандарды дайындайды:

- аспазшы;

- кондитер;

- технолог.

Осы бағыт бойынша колледжде оқуды аяқтағаннан кейін университетте оқуын жалғастыруға болады және технолог бола алады.